WELCOME TO CHHUNGPUIA RENTHLEI BLOG

E- MAIL 
-Er. Chhungpuia Renthlei 

E mail hi enge ni?

Technology khawvelah kan cheng tawh a, E mail awmzia chu kan hre fur tawh awm e. E mail chu internet khawvela information kan inthawntawnna leh kan dawnsawn theihna hmanraw tangkai tak a ni.Mobile communication khawvela kan inbiakna tur mobile service provider hrang hrang Airtel, Aircel, Voda, Reliance e.t.c a awm ang hian Internet khawvelah pawh hian E mail hmanga kan inbiak theihna turin email Servce provider hrang hrang a awma, chung zingah chuan hotmail, Yahoomail, gmail, Rediffmail, e.t.c  te hi keini mizoram ah chuan kan hriatlar leh hman tlanglawn ber a ni.

Email hi tu siamchhuah nge ?

Aw le, email hi kum 1971 a Ray Tomlinson-a hmuhchhuah a nia, hei mai bakah Email Address a symbol pawimawh tak @ sign (Axium Sign) hmang chhuaktu a ni bawk. He a thil ngaihtuahchhuah zarah tun thlengin Email Address ah @ sign hi kan hmang zel anih hi. @ sign hi a hming tak chu Axium a ni a, E mail Address ah hian @ sign hi “ at” tiin lamrik a ni. E mail a “ at “ tih hian a kawh ber chu Commercial at tihna a ni. E-mail hmuchhuak tu Ray Tomlinson-a hian email hmaber a thawn dan hi a awlsam hle mai a, room pakhatah Computer engemaw zat network hmangin a thlunzawma, Computer pakhat atangin computer dangah email a thawna. Email a thawn zawh hian email hi a check a , a thu thawn ang chiah chiah ani leh nih loh fiah turin thuthawn te chu a chhiar leh veka. Hetianga vawi engemawzat a thawn hnuah, Email chu a thawn theih tih a finfiah ta a ni. Vawiin thlengin Ray Tomlinson-a thawhrimna zar kan zo a nih hi.

E mail hmanga thu thawnchhuah hmasak ber

Khawvela email hmasa bera thuziak chu testing 123?  tih leh keyboard hawrawp tlar chung ber phei a key QWERTYUIOP hi a ni. Hei hian awmzia a nei hranpa hauhlova, keyboard key hmeh awlsam hmeh mai mai a ni.

Tin, Space atanga kan lei lama e mail thawn hmasak ber chu kum 1991 kha a ni. STS-43 Atlantis satellite an kahchhuah khan Macintosh Portable hmangin AppleLink software a hmanga, leilama miten an lo chhiar atan vansang atangin email a rawn thawn a ni. email hmanga an thu rawn thawn chu “ Earth! Greetings from the STS-43 Crew. This is the first AppleLink from space. Having a GREAT time, wish you were here… send cryo and RCS! Hasta la vista, baby… we’ll be back!” tih a ni.

A mak angreng khawpa, communication khawvela thu thawnchhuah hmasak berah te hian a hmuchhuaktu te hian thil ropui tak an type lo. Telephone ah pawh khan “Watson, come here, I want you.” tih a nia, Morse code ah pawh khan “What has God wrought?”tih vel mai mai zu nia.

 Khawvelah E mail hmangtu an pung zel

Kum 1990  hmalamah kha chuan  e mail hi  mipui te hman theih tura tlangzarh a la ni lo. Mimal, office, sumdawngtu te, Organisation hrang hrang leh a duh apiang tana tangkai taka hman theih tura Kum 1990 hnu lama e-mail hralh leh lei theih ( commercialised) a an chhawp chhuah khan E mail siamtu company ( e-mail service provider) hrang hrang hotmail, yahoo, rediffmail, gmail e.tc te an lo piangchhuak a. Vawin thlengin mimal,  sumdawnna khawvelah leh Office hnaah te uar taka hman a ni ta. keni mizoramah pawh tunah chuan email kan nei fer fur ta a nih hi.

E mail chuan lehkhathawn pangngai daka thlak chi, ( Snail mail) leh Fax hmanga thu inthawn te chu arawn luahlan zela, sumdawnna khawvelah phei chuan Email chu lehkha pawimawh inthawnna Standard ah an hmang ta a ni.Tunlai thleng hian social media sites ah personal online messaging te awm ferfur tawh mahse, E mail hlutna hian chuai ni a nei ngai dawn lo a ni.